Euskaltel Euskadi (Txirrindularitza)
Euskaltel-Euskadi edo Euskadiko Txirrindularitza Iraskundea, UCI Pro Tourren lehiatzen den txirrindularitza talde profesionala da. Atzerrian Euskaltel-Pays Basque bezala parte hartzen du. Egun, talde euskalduna da txirrindularitza munduan urte gehien eman dituen taldea (15 denboraldi) Lampre talde italiarrarekin batera. Euskaltel taldeko parte guztiak Euskal Herriko Txirrindularitza harrobitik ateratakoak dira.
Euskaltel-Euskadiren lehenengo garaipena 1999an lortu zuen, Roberto Laisekaren eskutik, Espainiako Itzulian Abantoseko mendatean amaitutako lasterketan. 2001an Laisekak berak Tourrean talde laranjaren aurreneko garaipena lortu zuen, Luz Ardiden-en amaitutako proban.
